As festas do San Froilán no tempo


 

Casetas e caldeiros do polbo diante da Mosqueira durante as festas do San Froilán de 1922

 

Ano1948
As barracas do San Froilán. Na foto "Tómbola dos xamóns" no lateral da Casa Consistorial.

 

Ano 1948
A Rúa da Raiña abarrotada de xente o "Domingo das Mozas".

 

Ano 1948
O Teatro Arxentino nunha das súas visitas a Lugo. A "sesión continua" custaba 7 pts. O espectáculo que presentaban este ano chamábase "Cocktail de Variedades".

 

sanfroilan

Ano 1949
Barracas na praza do Campo Castelo.

san froilan

Ano 1950
As de San Froilán todavía eran Feiras e Festas. Na foto gando no Campo da Feira.

san froilan

Ano 1950
Carroza do barrio de Recatelo durante o desfile. Miss Recatelo- no centro- acabaría sendo " Miss San Froilán".

Ano 1951
Postos de venda de polbo e casetas do viño no Campo da Feira. O letreiro da dereita reza: " Pra comer e beber bon viño e boas cousas visita a caseta CHOUSA".

Ano 1951
Carreira de motos. Os participantes dispoñense a sair da meta situada na Porta da Estación.

Ano 1953
Carreira ciclista arredor da Muralla.

 

 

Ano 1954
Espectáculo taurino e de rexoneo. A praza portátil estaba totalmente chea.

 

Tres persoaxes de ficción que nunca faltaron a súa cita co San Froilán. Trátase de Pelúdez, Filomena e Peludeziño.

 

Ano 1960
Neste ano estrenáronse cabezudos. Na imaxe aparecen en boa armonia no antigo Campo da Feira.

 

Os cabaliños de " el Caspolino" instalados diante do convento das Agustinas.

 

Ano 1961
O San Froilán tivo instaladas as barracas na praza de Santo Domingo. A chuvia acompañou as festas nesta ocasión.

seņora

Vendendo zocas no San Froilán

 

 

 

 

 

 

 

cartel san froilan

Programa das Festas de San Froilán do ano 1904.

O San Froilán

As festas patronais celébranse na actualidade en Lugo cada ano do 4 ao 12 de outubro.

San Froilán, o patrono de Lugo, naceu na cidade das murallas no ano 833 no Regueiro dos Hortos ao carón da capela do Carme e foi bispo de León ata a súa morte no ano 905.

O San Froilán nace por mor da festa relixiosa que xira en torno ao día de San Froilán, 5 de outubro, e que se celebra xa desde a Idade Media, e os actos que nacen á vez que a feira e como entretemento para todos aqueles que acudían a Lugo a vender e comprar. Así aos festexos relixiosos que duraban un día úneselle no século XVIII todo o relativo a unha feira que dura varios días.
O sagrado e o profano únense para dar orixe ás Festas de San Froilán. A finais do século XIX os actos relixiosos e a feira irán perdendo protagonismo a favor da festa, pero seguirán marcando o carácter e a singular estrutura que mantén na actualidade. Como un dos alicerces da festa foi a feira, fixo que as festas de San Froilán sexa un evento colectivo desde o principio, xa que na súa organización participan tamén institucións, comerciantes, asociacións e cidadáns de Lugo
Os primeiros festexos son organizados por unha comisión de festas na que participa o concello como principal impulsor, á que se suman institucións e entidades lucenses, así como representantes dos comerciantes e coa que tamén colaboran os cidadáns a través de doazóns. O século XX o papel do Concello consolídase, sendo na actualidade a Concellaría de Cultura e Turismo a encargada de organizar o programa festivo
. Precisamente son os seus actos e diversións o que fixo de San Froilán unha festa única, xa que se moitos foron variando outros se mantiveron inalterables ao longo do tempo. O día de San Froilán e O Domingo dás Mozas son os dous días grandes da festa. Tamén son tradicionais o polbo, as barracas, os paseos, as actividades culturais, os actos deportivos, a recuperación e difusión do folclore galego e as verbenas.
. Os concertos, a cultura, o deporte, a gastronomía e a diversión danse a man durante uns días en Lugo. Comeza a festa co pregón, o foguete desde o balcón do concello. Non faltan os xigantes e cabezudos, as dianas e alboradas. Os paseos polos postos e atraccións, xogos para nenos e adultos, concertos, actividades deportivas, actos culturais, a festa galega e as verbenas. Sempre o mesmo pero sempre diferente.

A cidade cambia, transfórmase para recibir aos visitantes. Ilumínanse as rúas, os edificios emblemáticos, os postos, atraccións e barracas toman as rúas. A festa, como a cidade, foi crecendo, desde o seu primeiro emprazamento en San Roque e na Praza Maior, e ligada á feira, foi tomando as rúas da cidade, cambiando a súa localización tendo cada vez un tamaño maior e gañando en calidade.

Xente de toda Galicia acode ao San Froilán, converténdose na festa máis populosa e importante da Comunidade Autónoma.
A inauguración do Camiño Real no século XVIII, a chegada do primeiro tren a Lugo, os primeiros autobuses, e as modernas autovías fixeron que cada ano haxa máis atraccións e visitantes. As feiras e festas de San Froilán foron desde o seu inicio unha forma de achegar Lugo a xentes doutros lugares. Se nun principio o reclamo para visitar Lugo nesas datas era a feira, a festa adquiriu tal fama que se converteu nun reclamo turístico de primeira magnitude para a cidade amurallada

A partir do ano 2006, as festas gozan dun espírito aínda máis universal, ao alcanzar a denominación de festa de Interese Turístico Nacional e ademais Festa de interese turístico galego.

 

san froilan

San Froilán represéntase xeralmente cun báculo e un lobo.